"Bir million dasturchi" loyihasi doirasida pullarning talon-toroj qilinishi 2021-yilga doir holat"
Maktabgacha va maktab ta’lim vazirligi matbuot xizmati “Bir million dasturchi” loyihasi doirasida pullarning talon-toroj qilinishi holati yuzasidan quyidagicha munosabat bildirdi.
“Korrupsiyaga qarshi kurashish agentligi tomonidan e’lon qilingan hamda Maktabgacha va maktab ta’limi vazirligi huzuridagi “O‘quv ta’lim-ta’minot” davlat muassasasining “Bir million dasturchi” loyihasi doirasida shartnomada belgilangan talablar to‘liq bajarilmaganligi xususidagi ma’lumotlar 2021-yilga doir holatdir.
Fuqarolardan ushbu holatni noto‘g‘ri talqin qilmaslik so‘raladi. Ma’lumot o‘rnida ta’kidlash lozimki, 2021-yilda faoliyat yuritgan Xalq ta’limi vazirligi o‘rnida hozirda Maktabgacha va maktab ta’limi vazirligi tashkil etilgan. “O‘quv ta’lim-ta’minot” davlat muassasasi tugatilib, “Ta’minot va logistika xizmati” DUK tashkil etilgan”, deyiladi munosabatda.
Muhayyo Toshqorayeva,
O‘zA