Қазіргі күндері еліміздің бильярд шеберлері 2025 жылдың 21–27 сәуір күндері Қырғызстанда және 23 сәуір–19 мамыр аралығында Қытайда өтетін жалпы жүлде қоры бір жарым миллион долларды құрайтын «Heyball Masters Grand Finals» халықаралық турниріне қызу дайындық үстінде.

Өзбекстанда бильярд спорты жылдан-жылға кеңінен қанат жайып, жанкүйерлерінің қатары артып келеді. Соңғы үш ай ішінде бірқатар ел чемпионаттары мен турнирлер табысты ұйымдастырылды. Осы жарыстардың нәтижесінде Өзбекстан бильярд федерациясының атқару комитеті ұлттық құраманың нақты құрамын бекітті. Жыл бойы халықаралық деңгейде ел намысын қорғайтын тәжірибелі спортшылар іріктеп алынды.

— Қырғыз Республикасының Жалалабад қаласында комбинациялық пирамида бойынша өтетін Әлем чемпионатына Жамолиддин Қучқоров капитандық ететін 9 бильярдшымыз қатысып, жүлделі орындар үшін таласады. Ал Қытайдың Чэнду қаласында әлемнің ең мықты бильярдшылары бас қосатын турнирде С. Садиров пен Д. Рахматуллаев өз бақтарын сынамақ, — деді Өзбекстан бильярд федерациясының төрағасы Уткир Комилов.