Билл Клинтон 1994 йилда Украина бўйича қабул қилинган қарордан афсусланганини билдирди
АҚШнинг собиқ Президенти Билл Клинтон 1994 йилда Украинани ядро қуролидан воз кечишга кўндиргани учун афсус билдирди. Ўшанда Украинанинг ядро қуролидан воз кечиши бўйича Будапешт меморандуми имзоланган эди.
“Мен шахсан ўзим ҳисса қўшганимни ҳис қилиб турибман, чунки Украинани ўзининг ядро қуролидан воз кечишга рози бўлишга мажбур қилган эдим. Агар Украинада ҳали ҳам ушбу қурол бўлганида эди, Россия бу ўйинни амалга оширмаган бўларди”, – деди Американинг собиқ президенти Ирландиянинг RTE телеканалига берган интервьюсида.