“Microsoft” асосчиси Билл Гейтс твиттердаги саҳифасида ўзининг коронавирусга қарши вакцина билан эмланганини маълум қилди.

У айнан қайси вакцина билан эмланганига аниқлик киритмаган. “Мен 65 ёшдаман, бу эса “COVID-19”га қарши эмланишга ҳақли эканимни билдиради. Дастлабки эмланишдан ўтдим, ўзимни яхши ҳис қиляпман. Ҳаммага раҳмат айтаман”, деб ёзади у.

Маълумот ўрнида айтиш жоизки, АҚШнинг мувофиқлаштирувчи органлари Pfizer ва BioNTech, шунингдек, Moderna вакциналари билан эмланишни маъқуллаган.

ЎзА