“Microsoft” асосчиси Билл Гейтс иқлим ўзгаришлари қарши кураш бўйича турли лойиҳа ва стартапларга миллиардлаб долларлик инвестиция киритмоқчи.

“Handelsblatt” нашрига берган интервьюсида у келгуси беш йилликда фаолиятнинг бундай турига 2 миллиард доллар ажратишга ваъда берди. Гейтс айнан ҳозир иқлим ўзгаришларига доир фалокатнинг олдини олиш учун инвестициялар киритилиши лозим, деб ҳисоблайди.  

Айни бир пайтда яқин ўн йилликда экологик тадқиқотлар учун давлат инвестициялари беш баравар ошиши лозим. “Иқтисоднинг маълум қисмини зудлик билан, илгари мисли кўрилмаган суратда ўзгартириш лозим”, деб таъкидлади Гейтс.