Америкалық бизнесмен, Microsoft корпорациясының негізін қалаушы Билл Гейтс бүкіл байлығын өзінің Gates Foundation қайырымдылық қорына беруге ниетті екенін мәлімдеді.

«Байлығымның барлығын дерлік қорға беруді жоспарлап отырмын. Осылайша мен бірте-бірте төмендеп, ақырында әлемдегі ең бай адамдар тізімінен шығамын», - деп жазған кәсіпкер Twitter парақшасында.

Forbes дерегінше Гейтстің байлығын 122,1 миллиард доллар.

Гейтс шілде айында өзінің қорын кеңейту аясында 20 миллиард доллар беретінін айтты. Ұйымдық шығындар 2026 жылға қарай 6 миллиард доллардан 9 миллиард долларға дейін артады. 

Сондай-ақ, кәсіпкер басқа да «үлкен байлық пен артықшылығы зор» адамдар одан үлгі аларына сенім білдірген.