“Билимлар куни“ Ширин шаҳрида ҳам кенг нишонланди
Бугун “Билимлар куни“ муносабати билан Ширин шаҳар ҳокими И.Бегалиев барча умумий ўрта таълим мактаби ўқитувчиларини байрам билан қутлаб табрик йўллади.
Бугун “Билимлар куни“ муносабати билан Ширин шаҳар ҳокими И.Бегалиев барча умумий ўрта таълим мактаби ўқитувчиларини байрам билан қутлаб табрик йўллади.
Шаҳар ҳокими ўз табригида ўқитувчиларга янги ўқув йилида келажагимиз бўлган ёш авлод таълим-тарбияси, юрт, жамият, халқ, миллат тақдирига дахлдорлик ҳиссини шакллантиришдек масъулиятли ва шарафли фаолиятида омад тилади.
Ўзбекистон Республикаси давлат мустақиллигининг 28 йиллиги муносабати билан Ширин шаҳридаги барча сектор раҳбарлари томонидан умумий ўрта таълим муассасаларида “Жонажон Ўзбекистоним мангу бўл омон!“ шиори остида мустақиллик дарслари ўтказилди. Ушбу дарсларда сектор раҳбарлари Ўзбекистон Республикасида барча соҳаларда амалга оширилган ислоҳотлар тўғрисида ўқувчи ёшлар билан суҳбат ўтказди.
Шаҳридаги барча умумий ўрта таълим мактабларида илк бор мактаб остонасига қадам қўйган болажонларга “Президент совғалари“ тақдим этилди.
Ширин шаҳар ҳокимлиги томонидан барча умумий ўрта таълим мактабларига 32 комплект компьютер жиҳозлари, 16 дона принтер, 80 дона футбол, волейбол, баскетбол, гандбол тўплари совға қилинди.