“Bibtexnika” karvoni Buxoroda
Umumta’lim maktablari kutubxonalari faoliyatini yanada takomillashtirish va kutubxonalarning moddiy-texnik bazasini mustahkamlash maqsadida Maktabgacha va maktab ta’limi vazirligi tomonidan respublika bo‘ylab “Bibtexnika” karvoni tashkil etilgan. “Bibtexnika” loyihasi doirasida jamlanmalar ortilgan karvon Buxoro viloyatiga ham yetib keldi.
–“Bibtexnika” jamlanmasida jamlama kitobi, inventar kitobi, kundalik daftari, kitobxon formulyari, “cho‘ntakcha”, alifboli kartochka, qaytaruv varaqasi, to‘plam g‘ilofi mavjud, –deydi Buxoro viloyati Bolalar kutubxonasi direktori Nargiza Nizomova. –Mazkur jamlanmalar viloyatdagi 547 ta umumta’lim maktabi, Ixtisoslashtirilgan ta’lim muassasalari agentligi tasarrufidagi ilm dargohlari hamda Buxoro viloyati bolalar kutubxonasiga yetkazildi.
[gallery-15538]
Zarif Komilov, Tohirjon Istatov (surat),
O‘zA muxbirlari