Германиянинг Оберхоф шаҳрида биатлон бўйича жаҳон кубогининг тўртинчи босқичи ўз якунига етди.

Қайд этилган натижалардан сўнг, аёллар ўртасида франциялик Лу Жанмонно 553 очко билан умумий ҳисобда биринчи ўринни эгаллаган бўлса, Суви Минккинен (Финляндия) 503 очко билан иккинчи, Марен Киркеэйде (Норвегия) эса 487 очко билан учинчи поғонадан жой олган.

Эркаклар ўртасида италиялик Томмазо Жакомел 611 очко тўплаб, етакчилик қилмоқда. Унинг ортидан норвегиялик Йохан-Олав Ботн 560 очко билан бормоқда. Кучли учликни франциялик Эрик Перро 560 очко билан якунлаб берган.  

Энди жаҳон кубогининг бешинчи босқичи Германиянинг Рупольдинг шаҳрида 14-18 январь кунлари бўлиб ўтади. Унда биатлончилар эстафета, спринт ва таъқиб пойгасида ўзаро рақобатлашади.

Жавоҳир Тошхўжаев,

ЎзА