Бүгін – Халықаралық мүмкіндігі шектеулі жандар күні. Бұл күннің шығу тарихы БҰҰ Бас Ассамблеясының 1992 жыл 14 қазандағы 47/3 қарарына сәйкес мүгедектер онжылдығының (1983-1992) аяқталуына орай 3 желтоқсанды мүгедектер күні етіп жариялады.

Оның мақсаты - мүгедектердің құқықтарын қоғамдық өмірдің барлық саласында ілгерілету, сондай-ақ мүгедектердің проблемаларына көпшіліктің назарын аудару.

БҰҰ мәліметтері бойынша, қазір әлемде 1 млрдтан астам мүмкіндігі шектеулі азамат бар. Ол жер шарындағы халықтың 15 пайызын құрайды.