Bo‘ka tumani Yangi hayot mahallasi yoshlari “Besh tashabbus olimpiadasi” DXX kubogining respublika final bosqichida 2-o‘rinni qo‘lga kiritganligi uchun sport maydonchasiga ega bo‘ldi.

Yaqinda qurib bitkazilgan zamonaviy sport maydonchasi yoshlar ixtiyoriga topshirildi.  

Yangi hayot mahallasida zamonaviy sport maydonchasining tantanali ochilish tantanalarida ishtirok etgan tuman hokimi Baxtiyor Begmatov “Besh tashabbus olimpiadasi”ning yoshlarga tuhfasi, tuman mahallalarida tashkil etilayotgan ommaviy sport musobaqalari haqida so‘z yuritib, yosh sportchilarni saralash, tanlash va ularni yo‘naltirishda o‘tkazilayotgan musobaqalarning  ahamiyatga katta ekanligini ta’kidladi.

Tadbir jarayonida o‘tkazilgan sport musobaqalari, yosh san’atkorlarning diltortar kuy-qo‘shiqlari kechaga o‘zgacha fayz bag‘ishladi.  

Mahalla ahliga cheksiz quvonch olib kelgan tadbirda yosh sportchilarga tegishli tashkilotlar tomonidan omad to‘plari sovg‘a qilindi.

T. Ro‘ziyev, O‘zA muxbiri