Ижтимоий тармоқларда Тошкент метрополитенининг "Беруний" бекатида поезд тўхтаб қолганлиги акс этан видеролик тарқалди. Видеода фуқароларнинг бир оз ваҳимага берилганликлари, вагон эшикларини очиб, машинистни чақирганликларини кўриш мумкин. Фуқаролардан яна бири эса машинистдан жавоб бўлмаётганини айтади.
"Беруний" бекатида поезд 15 дақиқа вақт тўхтаб қолди мазмунидаги мазкур хабар айни дамда муҳокамаларга сабаб бўлмоқда.
Ҳолат юзасидан Тошкент метрополитени қуйидагиларни маълум қилди:
Унга кўра, жорий йилнинг 4-сентябрь санаси тахминан соат 10:10 лар атрофида метрополитенининг ташқи электр энергия билан таъминловчи корхоналарда электр тармоғида қисқа узилиш содир бўлган. Натижада Чорсу бекатининг светафори ўчиб қолган. Шу боис 41 сонли ҳаракат таркиби белгиланган йўриқномага асосан бекатга кириб келиш вақтида тўхтаб турган.
Электр энергияни қайта тиклаш юзасидан тезкор чора-тадбирлар қўллангач, 1,5 дақиқадан сўнг ҳаракат таркиби яна ўз ҳаракатини давом эттирган.
Ҳозирги вақтда йўналишда поездлар ҳаракати белгиланган жадвалга кўра амалга оширилмоқда.
<iframe width="640" height="360" src="https://www.youtube.com/embed/MWQvV5VOHFw" title="“Беруний” бекатида нега поезд тўхтаб қолганлиги бўйича расмий маълумот берилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>
М.Эшмирзаева, ЎзА