Berlinda o‘nlab politsiya itlari xizmatdan chetlatildi
Germaniyada jonivorlarga shavqatsiz munosabatda bo‘lishni taqiqlovchi qonun chiqqanidan so‘ng Berlinda o‘nlab politsiya itlari xizmatdan chetlatildi, deb xabar bermoqda The Guardian nashri.
Bunda gap huquqni himoya qiluvchi organ hodimlari jinoyatchilarni tutish jarayonida xizmatdagi itlarga bo‘yinbog‘ solishi haqida ketmoqda.
Yangi qonunga ko‘ra, itlarni tasma bilan bog‘lash taqiqlanadi.
Shuning uchun Berlin politsiyasi jinoyatchilarni izlash, narkotik va portlovchi vositalar, shuningdek yo‘qolgan odamlarni topishda asqotuvchi 130 ta xizmat itlarining 49 tasini xizmatdan chetlatishga qaror qildi. Huquq himoyachilari qonunga mos keluvchi yangicha yo‘lni topishga harakat qilmoqda.