Surxondaryo viloyati hokimi Ulug‘bek Qosimov viloyat ko‘p tarmoqli bolalar tibbiyot markazi va viloyat onkologiya dispanserida bo‘lib, tibbiyot muassasalarida davolanayotgan bolajonlar hamda ayollar holidan xabar oldi.

Zamonaviy usulda jihozlanib, bolajonlarning salomatligini muhofaza  qilish uchun  barcha qulaylikka  ega bo‘lgan viloyat ko‘p tarmoqli  bolalar tibbiyot markazida  230 dan ortiq o‘g‘il-qiz yangi yilni kutib olmoqda. Tubdan rekonstruksiya qilingan viloyat onkologiya dispanserida 40 nafar bemor davolanayotir.  

Viloyat rahbari shifoxonalarda yaratilgan sharoitlarni ko‘zdan kechirdi. Shifokorlar va bemorlar bilan suhbatlashdi. Davolanayotgan bolalar va ayollarni yangi yil bayrami bilan tabriklab, ularning tezroq sog‘ayib ketishiga tilak bildirdi. Bayram sovg‘alarini topshirdi.  

<iframe width="866" height="487" src="https://www.youtube.com/embed/PZ1pntes1GY" title="Bemor bolalar va ayollarga yangi yil sovgʻalari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Xolmo‘min  Mamatrayimov, O‘zA muxbiri