Маълумотда айтилишича, “Aeroservices” компаниясининг аэропортдаги самолётларга хизмат кўрсатувчи биносида ёнғин чиққан. Аэропортнинг расмий вакили Кристиан Делкурнинг сўзларига кўра, уч йўналишдаги парвоз амалиёти бошқа аэропортларга кўчирилган. Лекин аэропорт иши бутунлай тўхтатилмаган.

Тонгга яқин ўт ўчирувчилар ёнғинни бартараф қилишга муваффақ бўлган. Аэропорт ходимларидан ҳеч кимга зарар етмагани, ёнғин бино ичида бўлиши мумкин бўлган кичик самолётлардан ташқари йирик авиалайнерларга дахл қилмаганини, лекин анчагина моддий зарар кўрилганини маълум қилинган.