Бельгияның Sciensano қоғамдық денсаулық сақтау институты елде коронавирустық пандемияның жаңа толқыны басталғанын растады.

Вирусолог Стивен ван Гухттың айтуынша, инфекция толқыны өткен аптада басталған.

Өткен апта ішінде күнделікті COVID-19 ауруы статистика бойынша 29 пайызға өсіп, 2 823-ке жеткен. Сарапшылардың болжамынша, ауру саны қазан айының ортасында шарықтау шегіне шығады.

Францияда сарапшылар коронавирусты жұқтыру жағдайларының көбеюіне байланысты бетперде тағу режимін қайта талқылай бастады. Бұл туралы санитарлық қауіп-қатер мониторингі комитетінің төрағасы, иммунолог Бригит Отран хабарлаған.