Ҳар биримиз ўз яшаш ҳудудимизни озода сақлаш, чиқинди тўкиш ҳолатларига аҳамиятли бўлишга масъулмиз.

Лекин, афсуски айрим фуқаролар томонидан чиқиндиларни белгиланмаган жойларга ташлаш ҳолатлари кўп маротаба такрорланмоқда ва атроф-муҳит эстетикасини бузмоқда.

Белгиланмаган жойга чиқинди ташлаш ҳолларида фуқаролар биринчи марта огоҳлантирилиб, такрорий ҳолатларда эса МЖтКнинг 161-моддаси асосида жаримага тортилмоқда.

Тошкент шаҳар ҳокимлиги маълумотига кўра, жорий йил бошидан буён 2 минг 75 та такрорий чиқинди ташлаш ҳолати аниқланиб, уларга нисбатан маъмурий чоралар кўрилган. Натижада ундирилган жарималар миқдори 1 миллиард 58 миллион сўмни ташкил этди.  

Гулноза Бобоева, ЎзА