Россиянинг Екатеринбург шаҳрида эркаклар ва аёллар ўртасида белбоғли кураш бўйича жаҳон кубоги беллашувлари бўлиб ўтди.

Жаҳон кубогида 23 та давлатдан 300 нафарга яқин  полвонлар белбоғли курашнинг эркин ва классик йўналишларида ғолиблик учун беллашди. Унда Ўзбекистон белбоғли кураш федерацияси раиси Равшан Дастиров, миллий терма жамоа бош мураббийи Шавкат Мирзақулов бошчилигидаги терма жамоамиз, 2 та олтин, 2 та кумуш ва 17 та бронза медалларини қўлга киритиб, умумжамоа ҳисобида фахрли учинчи ўринни эгаллади.  

Жаҳон кубоги баҳсларининг эркин ва классик йўналишларида Фарангиз Абдунабиева (52 кг.), Ойбек Султонов (68 кг.) олтин,  

Муроджон Ҳамидов (68 кг.), Лаззат Тулепберганова (70 кг.) кумуш медални қўлга киритди.  

Шунингдек, Обиджон Ибрагимов (57 кг.), Азизбек Кенжаев (57 кг.), Бекпўлат Бакиров (62 кг.), Абдутолиб Маҳкамов (68 кг.), Ҳислат Каримов (68 кг.), Ойбек Муллабоев (100 кг.), Ферузбек Мирзакаримов (100 кг.), Собиржон Уссубоев (100 кг.), Элмурод Аҳмаджонов (68 кг.), Бекзод Камолиддинов (90 кг.), Ойбек Тошпўлатов (90 кг.), Манзура Мўйдинова (52 кг.), Молдир Алимбоева (58 кг.) Нилуфар Абенова (66 кг.), Аъзамжон Анваржонов (+100 кг.),  Ўринбой Абдусаматов (+100 кг.) бронза медалига сазовор бўлди. Ғолиб ва совриндорлар диплом, медаль ва эсдалик совғалари билан мукофотланди.  

Жавоҳир Тошхўжаев, ЎзА