Belbog‘li kurashchilarimiz Qirg‘iziston musobaqalarida 12 ta medalli bo‘ldi
Qirg‘izistonning Cho‘lponota shahrida qirg‘iz kurashi, qumda belbog‘li kurash bo‘yicha jahon kubogi hamda tatar kurashi bo‘yicha o‘tkazilgan xalqaro turnirda belbog‘li kurash bo‘yicha O‘zbekiston terma jamoasining 13 nafar a’zosi ishtirok etib, 12 ta medalga egalik qildi.
Kurash sport turining 3 ta yo‘nalishida qatnashgan terma jamoamiz a’zolaridan Diyorbek Polvonboyev, Husan Abduhakimov va Abbosbek Ahmadjonov oltin medallarni qo‘lga kiritgan bo‘lsa, Hasanjon Mirzarahimov, Nodirbek Abdumalikov, Shukrullo Mamatkarimov, Samandar Anvarov, Kamoliddin Mahkamov, Umidjon Olimov, Diyorbek Saydullayev sovrindorlar qatoridan joy egalladi.
T.Ro‘ziyev,
O‘zA