Өзбекстандағы Беларусь Республикасының жаңадан тағайындалған Төтенше және Өкілетті Елшісі Александр Огородников Өзбекстан Сыртқы істер министрі Бахтиёр Саидовқа сенім грамотасының көшірмесін табыстады.

Сыртқы істер министрлігінің мәліметінше, кездесу барысында екі ел арасындағы ынтымақтастықтың қазіргі жағдайы мен болашағы талқыланды.

Атап айтқанда, сауда-экономикалық және гуманитарлық серіктестікті нығайту, Парламентаралық байланыстарды дамыту, аймақтар арасындағы ынтымақтастықты жандандыру мәселелері бойынша пікір алмасылды.

Айта кетейік, 2025 жылғы 14 қаңтарда Беларусь Президенті Александр Лукашенко Өзбекстандағы жаңа елші ретінде Александр Огородниковты тағайындау туралы шешім қабылдады.

Ол бұл қызметте 2018 жылдан бері жұмыс істеген Леонид Мариничтің орнына келді.