“Беларусга жорий этиладиган чекловлар кенг қамровли ва истисноларсиз бўлиши керак”
Евроиттифоқнинг миграция таназзули туфайли Беларусга нисбатан жорий қилувчи санкцияларнинг бешинчи пакетида истисноларга ўрин бўлмаслиги лозим.
“ТАСС” хабарига кўра, Литва мудофаа вазири Арвидас Анушаускас шундай фикрни айтиб: “Санкциялар самарали бўлишини истасак, улар кенг қамровли ва истисноларсиз бўлиши керак”, деб таъкидлаган.
Вазирнинг айтишича, “Беларускалий”нинг узоқ муддатли битимлари бўйича шундай истиснолар бор.
Маълумот учун, Евроиттифоқ вакиллари 25 нафар юридик ва жисмоний шахсларга жорий қилинувчи санкцияларнинг бешинчи пакетини маъқуллаган.
Қарор бугун, пайшанба куни “Евроиттифоқ расмий журнали”да эълон қилиниши ва кучга кириши кутилмоқда.
З.Мирзабоева, ЎзА