Минск ва Брюссель ўртасидаги муносабатларнинг ёмонлашуви туфайли Беларусь ташқи ишлар вазирлиги Евроиттифоқ мамлакатларидаги дипломат ва ходимлари миқдорини кескин қисқартиради.

Бу ҳақда Беларусь ташқи ишлар вазири Владимир Макей маълумот берган.

“БелТА”нинг хабарига кўра, вазир бунга мамлакатга ўтказилаётган санкциявий босим сабаб бўлиб, бу ҳолат ғарб билан дипломатик муносабатларнинг йўлга қўйилишига ҳалақит бераётганини айтган.

“Бу, аввало, Ғарбий Европага тааллуқли. Айни пайтда бошқа қанотларда давлатимиз позицияларини мустаҳкамлаш зарурати мавжуд”, деди Макей.