Астанадағы ШЫҰ саммиті Беларусьті ұйымға қабылдау туралы құжатқа қол қоюдан басталды.

Бұл конференция «Көпжақты диалогты нығайту – тұрақты бейбітшілік пен дамуға ұмтылу» ұранымен өтуде. Жоғары деңгейдегі отырыста қатысушылар 24 бірлескен құжат топтамасын бекітеді деп күтілуде. Сондай-ақ іс-шарада мүше мемлекеттердің жақын көршілестігі мен бірлігіне берілгендігін растайтын қорытынды декларация мен мәлімдеме қабылданады.

2001 жылы құрылған ШЫҰ-ға қазіргі таңда 10 мемлекет мүше: Өзбекстан, Үндістан, Иран, Қазақстан, Қытай, Қырғызстан, Ресей, Тәжікстан, Пәкістан және Беларусь. Ауғанстан мен Моңғолия бақылаушы мәртебесіне ие болса, Әзірбайжан, Армения, Камбоджа, Непал, БАӘ, Түркия және Шри-Ланка ынтымақтастық серіктес мәртебесіне ие.