Мигрантларнинг бир қисми беларусь-польша чегарасини тарк этиб, Беларусь томон кетган, улар логистика марказларига жойлаштирилади, дейилади “РИА Новости” хабарида.

Унда: “Мигрантларнинг бир гуруҳи логистика маркази томон кетди. Уларга Беларусь ҳукумати томонидан кўмак берилади, дам олиш учун шароит яратилган. Тахминан 150-200 киши марказга бормоқда”, дейилган.

Маълумот учун, ўтган ҳафтада беларусь-польша чегарасида 2 минг кишидан ортиқ одам тўпланган бетартиб лагер шаклланганди.

Жорий ҳафта бошида мигрантлар Польшага ўтиш пунктига ёпирилган, сешанбада бу ҳаракатни такрорлаган, лекин польшалик чегарачилар махсус воситаларни қўллаб уларни чегарадан ўтказмаган.