Belarus Respublikasi Bosh vaziri Aleksandr Turchin boshchiligidagi hukumat delegatsiyasi rasmiy tashrif bilan O‘zbekistonda bo‘ladi.

Belarus hukumati matbuot xizmatining xabar berishicha, Toshkentga tashrif doirasida O‘zbekiston-Belarus ishbilarmonlar kengashining to‘rtinchi yig‘ilishi va biznes-forum o‘tkazilishi rejalashtirilgan. Ikki kunlik tashrif dasturidan hukumat rahbarlari darajasidagi muzokaralar, qator sanoat korxonalariga tashriflar ham o‘rin olgan. 

Oliy darajadagi uchrashuvlarda  ikki mamlakat o‘rtasidagi savdo-iqtisodiy va  investitsiyaviy hamkorlikni rivojlantirish masalalari muhokama qilinadi. Sanoat kooperatsiyasini kengaytirish, ishbilarmonlik aloqalarini mustahkamlash va qo‘shma loyihalarni  ilgari surish masalalariga alohida e’tibor qaratiladi. 

Aziza Alimova tayyorladi, O‘zA