Бекзод Абдураҳмонов Осиё ўйинларида бронза медалига сазовор бўлди
Якунланиб бораётган Осиё ўйинларининг спорт курашлари бўйича эркин кураш баҳсларида ҳамюртимиз Бекзод Абдураҳмонов шоҳсупанинг учинчи поғонасидан жой олди.
Б.Абдураҳмонов Ханчжоу шаҳрида ўтаётган қитъа ўйинлари бронза медали учун ўтган беллашувда туркманистонлик Перман Хоммадов билан рақобатлашди. Баҳсда полвонимиз ғалаба қозониб, ўзининг шаҳсий ҳисобига Осиё ўйинларининг 3-медалини қўшиб қўйди.
Маълумот учун, Бекзод Абдураҳмонов 2014 йил Жанубий Корея ва 2018 Индонезияда ўтган Осиё ўйинларида олтин медални қўлга киритган эди.
Жавоҳир Тошхўжаев, ЎзА мухбири