АҚШнинг Невада штати Лас-Вегас шаҳрида ҳамюртимиз Бектемир Мелиқўзиев профессионал боксдаги ўзининг ўн саккизинчи жангини ўтказди.

Аниқроқ айтадиган бўлсак, Бектемир супер ўрта вазн тоифасида Гана вакили Сена Агбекога қарши рингга кўтарилди. Ўн раундга мўлжалланган жангнинг еттинчи раундида Бектемир рақибига йўллаган кучли зарбадан сўнг рефери ҳисобни очди ва жанг тўхтатилди ҳамда чарм қўлқоп устамизни ғолиб дея эълон қилди. 

Шу тариқа, Бектемир Мелиқўзиев профессионал рингдаги 18 жангини ўтказиб, 17 та ғалаба ва 1 та мағлубият қайд этмоқда. 33 яшар Сена Агбеко ҳисобида эса 29 та ғалаба бор ва бугун у бешинчи мағлубиятини айнан ўзбек ўғлонидан қабул қилиб олди.

Жавоҳир Тошхўжаев, ЎзА