Британдық жетекші бұқаралық ақпарат құралы BBC өз сайтында Самарқандты Орталық Азияның «жаңа жауһары» деп атады.

BBC журналисі мақаласында Самарқандтан алған әсерлерін баяндап, жаңадан құрылған «Silk Road Samarkand» кешенін тілге тиек етті.

«Silk Road Samarkand туристік кешені Әмір Темір армандағандай үлкен. Сегіз зәулім заманауи, әсем қонақүйлер мен сауықтыру ғимараттары Кеңес Одағы кезінде бірқатар чемпиондарды шығарған ескек есу спортында пайдаланылған кең каналдың айналасында шоғырланған.», делінген мақалада.

Сондай-ақ, қаладағы Шахи Зинда сияқты тарихи ғимараттар, базарлар мен заманға сай атақты туристік орталықтар туралы сөз өрбиді.

BBC тілшісі елде жүргізіліп жатқан реформаларды да атап өткен. Ол мақалада сот-құқықтық реформа, экономиканы либерализациялау, ашықтық пен толеранттылық саясаты арқылы жаңа Өзбекстан құрылып жатқанын жазған.