Байрам кечасига Навоий шаҳридаги Меҳрибонлик уйи, Томди туманидаги “Болалар шаҳарчаси” тарбияланувчилари, ота-она қарамоғидан маҳрум бўлган, ижтимоий ҳимояга муҳтож оила, хизмат вазифасини ўташ чоғида ҳалок бўлган ҳарбийлар фарзандлари таклиф этилиб, Янги йил саргузаштлари ва турли эртак қаҳрамонлари иштирокида байрамона чиқишлар ташкил этилди.

Навоий вилоятида ташкил этилган тантаналарда 342 нафар болажонларга Президент совғалари топширилди. Шунингдек, Президент арчаси тадбири бир пайтнинг ўзида Навоий шаҳридаги “Фарҳод” маданият саройи, Зарафшон шаҳри ҳамда Томди туманида ҳам ўтказилди. Навоийлик Давлатимиз раҳбари эътибори ва ғамхўрлигида камолга етаётган ўғил-қизлар “Президент совғаси”дан баҳраманд бўлди.

Тадбирда вилоят ҳокими Қ.Турсунов иштирок этди.