Туркия ва АҚШ давлатлари раҳбарларининг Мадриддаги учрашуви чоғида НАТОнинг кенгайиши, икки томонлама муносабат, Анқарага Ғ-16 қирувчи самолётларини жўнатиш, Украина инқирози ва Қора денгиз орқали Украина донини етказиб бериш масалалари муҳокама қилинди, деб хабар беради Туркиянинг “Анадолу” ахборот агентлиги.

АҚШ Президенти Жо Байден Туркия раҳбари Режеп Таййип Эрдоғанга Швеция ва Финландиянинг НАТОга аъзо бўлиб кириши бўйича эришилган келишув учун миннатдорлик билдирди. 

“Финландия ва Швеция билан боғлиқ вазиятдаги амалий ҳаракатингиз, шунингдек, Украина ва Россиядан ғалла экспортини таъминлашга қаратилган мислсиз ишингиз учун сизга алоҳида раҳмат айтмоқчиман”, - деди АҚШ етакчиси Эрдоғанга.

“НАТОнинг кенгайиши Украина инқирозини ҳал қилишга ҳисса қўшади, деб умид қиламан. Дипломатия Украинадан дон экспорти учун эшикларни очади", дея қўшимча қилган Байден музокара давомида.