АҚШ президенті Джо Байден президент ретіндегі алғашқы баспасөз мәслихатын өткізетінін жариялады. БАҚ өкілдерімен кездесуі оның президенттігінің 65-ші күніне жоспарланған яғни 25 наурызға.

Әдетте, АҚШ президенттері осындай баспасөз мәслихатын президенттікке кіріскеннен кейін 40 күн ішінде өткізеді. АҚШ-тың бұрынғы президенті Дональд Трамп инаугурациядан 27 күннен кейін, ал Барак Обама 20 күннен кейін алғашқы баспасөз мәслихатын өткізген.

Байденнің бұл әрекеті көптеген журналистер тарапынан сұрақтарға себеп болды. Бірақ Ақ үй әкімшілігі Байден қазір пандемияның салдарымен күресуге және вакцинаны тұрғындар арасында таратуға ден қойып отырғанын мәлім еткен, сондықтан қазіргі кезде баспасөзге толық сұхбат беру оның басым бағыты емес екенін жеткізген.

Баспасөз конференциясы 25 наурызда белгіленген және бұл соңғы 100 жылда АҚШ президенттері инаугурациядан кейінгі ең ұзақ күткен баспасөз конференциясы болмақ.

Пандемияға байланысты Ақ үйдің шығыс залына тек 30 журналист шақырылды. Байден бұқаралық ақпарат құралдарынан пандемия, көші-қон дағдарысы және АҚШ әскерлерінің Ауғанстаннан шығарылуы туралы мәселе көтереді деп күтеді.