Байден ва Мелонининг телефон суҳбати
АҚШ Президенти Жо Байден ва Италия янги Бош вазири Жорджа Мелони бўлиб ўтган телефон мулоқоти чоғида Украинага ёрдам бериш ва Россияга қарши чора кўриш масалаларини муҳокама қилишди. Бу ҳақда Оқ уй матбуот хизмати хабар берди.
Баёнотда айтилишича, Байден Мелони лавозимга киришиши билан табриклаган.
Улар “умумий муаммоларга жавоб бериш учун трансатлантик иттифоқ доирасида ҳамкорлик қилишга тайёр эканликларини билдирдилар”.
Суҳбатдошлар “Украинага ёрдам кўрсатишни давом эттириш, Россия ва Хитойга муносиб жавоблар бериш”, шунингдек, “арзон энергия” етказиб беришни таъминлаш мажбуриятини кўриб чиқдилар.
ЎзА