"Бу миллий шармандалик. Бунга чек қўйиш керак", – деди Байден журналистлар учун уюштирилган матбуот анжуманида.

У соғлом фикрга мос келадиган ислоҳотларни амалга оширишга уринаётганини маълум қилган.

"Қуроли бор одамлар ҳаридарларнинг таржимаи ҳолини текширишни қўллаб қувватламоқда. 100 ёки 40 та патрон сиғадиган қурол кимга керак?" – деди Байден.

"Қурол кўтариб юриш тартиби ўзгармагунча, хотиржам бўла олмайман", – деди Оқ уй раҳбари журналистларга.

Аммо конституция билан кафолатланган қурол олиб юриш тартибини ислоҳ қилиш қурол сотадиган корчалонлар ва сенатдаги республикачилар томонидан рад этилиши тайин.

Байден бу гапларни яқинда FedEx компанияси собиқ ходими уюштирган навбатдаги отишма фонида айтиб ўтди.

Ўтган жума куни FedEx компаниясининг Индианаполисдаги офисида уюштирилган отишмада саккиз киши ҳалок бўлган ва яна кўплаб ишчилар жароҳат олганди.