АҚШ собиқ Президенти Жо Байден ўзига саратон ташхиси қўйилгани ҳақидаги хабардан сўнг ижтимоий тармоқда жамоатчиликка “меҳри ва қўллаб-қувватлагани учун” миннатдорлик билдирди.

– Саратон барчамизга таъсир қилади, – деди у. – Кўпчилигингиз каби Жилл ва мен ҳам оғир дамларда кучли эканимизни англадик. Кўнглимизни кўтарганингиз учун раҳмат!

Якшанба куни “New York Times” газетаси собиқ етакчининг матбуот котибига таяниб, собиқ президентга оғир простата саратони ташхиси қўйилгани ҳақида хабар тарқатди. Шу билан бирга касалликни даволаш мумкинлигини ҳам қўшимча қилди.

Байден ҳозир 82 ёшда. Ўтган йил у соғлиғи билан боғлиқ хавотир туфайли президентлик пойгасини тарк этишга мажбур бўлган.