АҚШ президенти Жо Байденнинг таъкидлашича, Россия етакчиси Владимир Путиннинг ҳа деб ядро қуролини эслатиши унинг ядро қуролини ишлатмоқчи эмасмиз, деб берган баёнотига зиддир.

Куни кеча бўлиб ўтган "Валдай" баҳс-мунозара клубининг навбатдаги мажлисида РФ президенти “Москва учун Украинага ядро зарбасини бериш шарт эмас”, деб баёнот берганди. Путин “РФ ядро қуролини қўллаши мумкин”, деб айтаётганларни Россиянинг ҳарбий доктринасини ўқиб кўришга чақирган.  

"Менинг ўйлашимча, агар унинг шундай нияти бўлмаса,  нега у ҳа деб шу ҳақда гапиради? Нима учун у тактик ядро қуролини ишлатиш эҳтимоли ҳақида кўп эслатади. У ўзининг ушбу масалага ёндашуви билан жуда хавфли. У  Украинани тарк этиш чоғида шу ишни қилиши мумкин", – деди Байден Newsnation телеканалига берган интервьюсида.