АҚШ президенті Джо Байден АҚШ пен оның одақтастары Ресейдің Донбасстағы әскери операциясына «бірауыздан және батыл жауап береді» деп уәде берді.

«Бүгін бүкіл әлемнің дұғасы Ресей қарулы күштерінің негізсіз шабуылынан зардап шегіп отырған Украина халқымен бірге. Президент Путин апатты және азапты жағдайларға әкелетін соғысты таңдады. Бұл шабуылдың әкелетін өлімі мен апаты үшін тек Ресей ғана жауапты. АҚШ пен оның одақтастары, серіктестері бірігіп батыл жауап береді. Әлем Ресейді жауапқа тартады », - деген Байден Ақ үй сайтындағы мәлімдемесінде.

Байден жақында G7 көшбасшыларымен кездесіп, содан кейін Америка халқына сөз сөйлеп, оларға «Ресей үшін әскери агрессияның келесі салдарын» айтатынын айтқан.

24 ақпан күні таңертең Владимир Путин Донбасста арнайы әскери операция басталғанын хабарлады. Оның мақсаты – «Донбасс халқын геноцидтен және украиндық неонацистер қаупінен қорғау».

БАҚ пен әлеуметтік желілерде Киев, Харьков, Одесса, Днепр және Мариуполь қалаларында жарылыстардың естілгені туралы ақпарат тарауда.