АҚШ президенті Джо Байден 21 шілдеде президенттік сайлаудан бас тартатынын мәлімдеді және АҚШ вице-президенті Камала Харристі президенттік сайлауға түсуді ұсынды.

«Сіздің президентіңіз ретінде қызмет ету менің өмірімдегі ең үлкен мәртебе болды. Қайта сайлауға түсуге ниетті болсам да, өз кандидатурамды алып тастап, тек президенттігімнің қалған уақытында өз міндеттерімді орындауға ғана назар аудару партиям мен елімнің мүддесі үшін сай келеді деп есептеймін», - деген 81 жастағы Байден американдықтарға жолдауында.

Осылайша, Байден Линдон Джонсоннан кейінгі екінші мерзімге үміткер болмайтынын жариялаған алғашқы президент болды.

Ол Камала Харристі президенттік сайлауда толық қолдайтынын білдірген. «Демократтар, бірігіп, Трампты жеңетін кез келді. Келіңдер, біз осылай істейік», - деген Байден.