2020 йил бўлгани каби, агар Дональд Трамп сайловда иштирок этса, уни мағлуб эта олишимга ишонаман, деди АҚШ Президенти Жо Байден “CNN” телеканалига берган интервьюсида.

Ноябрь ойида 80 ёшга тўладиган Байден жамоатчиликнинг ёши ҳақидаги шарҳларига қандай муносабат билдириши мумкинлиги юзасидан берилган саволга “мен ўз ишимни уддалай олишимга шубҳа бўлмаслиги керак”, дея жавоб берди.

“Америкаликлар иқтисодий таназзулга тайёрланиши керакми?”, деган саволга Байден салбий жавоб қайтарди. Унинг фикрича, “иқтисодда пасайиш бўлмайди, бўлган тақдирда ҳам аҳамиятсиз, енгил ўтади”.

АҚШ етакчиси таъкидича, мамлакат иқтисоди таназзулга юз тутиши тўғрисидаги тахмин ҳар олти ойда такрорланиб туради.

“Мана ҳозиргача бу содир бўлмади”, деб қўшимча қилди Байден.

ЎзА