АҚШ Президенти Жо Байден “G7” ва НАТОдаги ҳамкорларига Польшадаги портлаш Украина ҳаво ҳужумидан мудофаа ракетаси сабабли содир бўлганини айтди. Бу ҳақда “Reuters” агентлиги НАТОдаги манбасига таяниб маълум қилди.

хабарда айтилишича, чоршанба куни эрталаб “G7” давлатлари ва НАТОнинг бир неча мамлакати раҳбарлари “G20” саммити доирасида фавқулодда йиғилиш ўтказган. Шундан сўнг Қўшма Штатлар етакчиси “Дастлаб Польшага тушган ракеталар Россиядан йўналтирилгани ҳақидаги маълумотлар мавжуд эди, аммо траектория ракеталар Россиядан учирилганини тасдиқламайди”, деган мазмунда баёнот берган.

Мазкур воқеа юзасидан текширув давом этяпти, дея қўшимча қилинган хабарда.