AҚШ Президенти Жозеф Байден 2025 йил учун мудофаа бюджетини тасдиқлади, деб хабар берди Оқ уй матбуот хизмати.

“Президент 2025 молия йили учун миллий мудофаага рухсат бериш тўғрисидаги қонунни имзолади”, — дейилган хабарда.

895 миллиард долларлик мудофаа бюджети Конгресснинг ҳар икки палатаси билан келишилган.

18 декабрь куни лойиҳада AҚШнинг Ҳинд-Тинч океани минтақасидаги позициясини кучайтириш, ҳарбийлар маошини ошириш, еттита янги кема қуриш ва мудофаа саноати базасини мустаҳкамлаш чора-тадбирлари ўрин олгани маълум қилинганди.