АҚШ президенти Жо Байден коронавирусга қарши курашга ва Американи қутқариш режаси доирасида аҳолига бир марталик тўловлар учун 160 миллиард доллар йўналтирилишини айтди.

"160 миллиард доллар COVID-19га қарши кураш стратегияси учун ажратилади. Бунга вакцина ишлаб чиқариш, эмлаш пунктларини жиҳозлаш ва етказиб бериш харажатлари киради", - деди у жума куни журналистлар билан учрашувда.

Бундан ташқари, ҳукумат муҳтожларнинг ҳар бирига 1 минг 400 доллар берилишини ҳам маълум қилди.

"Йилига 300 минг доллар топган одам пулдан умид қилмасин, уларга бир чақа ҳам берилмайди. Мен чек миқдорини камайтиришни истамайман. Бу 1400 доллар бўлади", - деган АҚШ президенти.

Ушбу маблағ билан муҳтожлар учун бепул овқатланиш, иш ўрнини йўқотганларга амал қилиш муддати март ойида тугайдиган суғуртани сентябргача узайтириш ҳам кўзда тутилган, қўшимча қилди Байден.