АҚШ президенти Жо Байден билан Япония бош вазири Фумио Кисида хавфсизлик муаммолари, жумладан, Хитой бўйича, шунингдек, КХДРнинг ядровий ва баллистик ракеталар дастури бўйича яқин ҳамкорлик қилишга келишиб олди, дейилади Оқ уй тарқатган хабарномада.

Айни дамда АҚШ давлат раҳбари Японияда бўлиб турибди. Токиода икки етакчи ўртасида музокаралар бўлиб ўтгани айтилмоқда.

Хабарда таъкидланишича, томонлар янги технологиялар, маҳсулот етказиб бериш занжирининг хавфсизлигини таъминлаш ва тоза энергия соҳаларида ҳам ҳамкорликни янада чуқурлаштириш бўйича шартлашиб олган. 

Қўшма матбуот анжуманида Япония бош вазири Фумио Кисида  АҚШ президентининг мазкур ташрифи  Вашингтоннинг Ҳинд-Тинч океани минтақасидаги вазиятда иштирок этишга интилишини билдиришини таъкидлаб ўтган.