Президент Жо Байден Бирлашган Араб Амирликлари Президенти Шайх Муҳаммад Бин Зоид Ол-Наҳаённи 2022 йил охиригача АҚШга бориш ва Оқ уйда музокара ўтказишга таклиф қилди. Бу ҳақда “Emirates The National” газетаси хабар қилди.

Нашр ёзишича, Америка раҳбари бу таклифни Жидда шаҳрида бўлиб ўтаётган Араб-Америка саммити доирасида маълум қилган.

“Бугунги кун муаммоларни бир даврада ўтириб муҳокама қилишни тақозо этмоқда. Вашингтонда шундай учрашув ўтказишни таклиф қиламан”, деди Байден.

Хабар берилганидек, бугун Форс кўрфази араб давлатлари ҳамкорлик кенгаши саммити бўлиб ўтяпти.