АҚШ разведка ҳамжамияти ҳамон коронавируснинг келиб чиқиши бўйича якуний хулосага кела олишмаяпти.

– Улар асосан, коронавирус инсонга касалланган ҳайвондан ўтганми ёки илмий лабораторияларнинг бирида ҳалокат содир бўлиши оқибатида тарқалганми, деган саволга жўяли жавоб топиша олмаяпти –, деб баёнот берди чоршанба куни АҚШ президенти Жо Байден.

– Мен президент бўлганимдан кейин, март ойида миллий хавфсизлик бўйича маслаҳатчим мамлакат разведка ҳамжамиятига коронавируснинг келиб чиқиши бўйича энг сўнгги хабарларни йиғиб ҳисобот тайёрлашга кўрсатма берди. Айни пайтда АҚШ разведка хизматлари «иккита эҳтимолий сценарий атрофида бир тўхтамга келиб турибди, лекин ушбу масала бўйича якуний хулосага қилишмади», – дейилади Оқ уй тарқатган ушбу баёнотда.

АҚШ раҳбарининг таъкидлашича, у «АҚШ разведкасига маълумотлар тўплаш ва уларни таҳлил қилишни кучайтириш вазифасини топширган ва шундагина ушбу масалада якуний хулоса чиқариш осонлашади» деган. Шунингдек, хабарда Оқ уй раҳбари мутахассисларга мазкур муаммо бўйича 90 кун ичида ҳисобот беришга кўрсатма бергани айтилмоқда.