Жорий йилнинг 23-25 август кунлари Самарқанд байдарка ва каноэда эшкак эшиш бўйича йилнинг энг нуфузли мусобақаси бўлган навбатдаги жаҳон чемпионатига мезбонлик қилади.

Дунёнинг 57 давлатидан 400 нафар спортчи иштирок этадиган чемпионатда Ўзбекистон миллий терма жамоаси катта таркибда ғолиблик учун кураш олиб боради.

Бугун, 18 август куни Ўзбекистон Rowing&Canoe федерацияси Самарқандда кечадиган дунё биринчилигида Ватанимиз шарафини ҳимоя қиладиган спортчилар рўйхатини эълон қилди.

Унга кўра, эркаклар ўртасидаги мусобақаларда Нурислом Тўхтасин ўғли, Артур Гулиев, Элёржон Мамадалиев, Вилям Ибрагимов, Шаҳриёр Маҳкамов, Ярослав Славгородский, Владлен Денисов, Самандар Ҳайдаров, Камронбек Ахтамов, Муҳаммадали Мирисманов, Озоджон Амриддинов, Миржалол Комилов, Зиёдбек Йўлдошалиев, Даврон Салимов, Дилмурод Шермуродов жаҳон чемпионатининг совринли ўринларига даъвогарлик қилса, аёллар иштирокидаги баҳсларда Екатерина Шубина, Дилноза Раҳматова, Нилуфар Зокирова, Арина Танатмишева, Хонзода Эркинова, Мадинабону Исмоилова, Шоҳсанам Шерзодова, Динара Жўраева, Шаҳризода Мавлонова ўз омадларини синовдан ўтказади.

Т. Рўзиев, ЎзА