2024 жыл 7 қазанда Өзбекстан Сыртқы істер министрі Бахтиёр Саидов Мәскеу қаласында ТМД Сыртқы істер министрлері кеңесінің отырысына қатысты.

СІМ мәліметінше, жиын барысында ТМД саммитіне соңғы дайындық жұмыстары талқыланды. Кездесуде Достастық елдері арасындағы ұзақ жылдық тарихи байланыстар берік іргетас болып табылатыны айтылып, барлық салада, әсіресе, экономикалық ынтымақтастықты дамыту үшін кең мүмкіндіктер бар екені атап өтілді. 

«Сонымен қатар, өзара байланысты нығайту, сауда үшін ең қолайлы жағдайлар жасау, әлемде күшейіп келе жатқан қақтығыстарды шешу, бейбітшілік пен өркендеу жолында күш біріктіру мәселелері талқыланды. Өңірлік және жаһандық мәселелер де басты назарда болды», делінген хабарламада.