Өзбекстан Республикасының сыртқы істер министрі Бахтиёр Саидов Еуропадағы қауіпсіздік және ынтымақтастық ұйымының (ЕҚЫҰ) қазіргі төрағасы, Финляндияның сыртқы істер министрі Элина Валтоненмен кездесті.

Бұл жөнінде Өзбекстан СІМ баспасөз қызметі хабарлады.

Кездесу барысында тараптар Өзбекстан мен ЕҚЫҰ арасындағы өзара серіктестік пен оның келешегін, сондай-ақ өңірлік қауіпсіздік, жақсы басқару қағидаттарын ілгерілету және адам құқықтарын қорғау бағыттарындағы бірлескен бастамаларды жан-жақты талқылады.

Сондай-ақ, Өзбекстан мен Финляндия арасындағы саяси, экономикалық және мәдени қатынастарды кеңейту мүмкіндіктеріне ерекше назар аударылып, екіжақты ынтымақтастықты нығайту жолдары қарастырылды.

— Финляндия тарапынан өзара ынтымақтастықты тереңдетуге деген ұмтылысты жоғары бағалаймыз. Біз конструктивті диалогты жалғастырып, нақты жобаларды іске асыруға үміттенеміз, — деді Бахтиёр Саидов.