Жиззах вилоятининг тоғли Бахмал туманида “Green games” – “Яшил ўйинлар” болалар экологик фестивали ташкил этилди.

Тадбир Экология, атроф муҳит муҳофазаси ва иқлим ўзгариши  вазирлигининг оммавий тадбирларни ташкил этиш ва экофаоллар билан ишлаш бўлими ҳамда Жиззах вилоят экология, атроф-муҳитни муҳофаза қилиш ва иқлим ўзгариши бошқармаси томонидан Бахмал тумани ихтисослаштирилган мактабида ташкил этилди.

Экологик ўйинлар фестивали мактабнинг асосан 7-синф ўқувчилари ўртасида ташкил этилиши белгиланган бўлсада, юқори синф ўқувчилари ҳам кўнгилли равишда конкурсдан ташқари ушбу фестивалда иштирок этиш истагини билдиришди.  

Ўқувчилар “Меваларни таниб ол”, “Зираворларнинг таъми” номли викториналар, шахмат-шашка, спорт-соғломлаштириш ўйинлари бўйича ўзаро баҳслашди.

<iframe width="640" height="420" src="https://www.youtube.com/embed/KF-y1qkCG7Y" title="Baxmalda  bolalar ekofestivali" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Тадбирда фаол иштирок этган ўқувчилар ташкилотчиларнинг эсдалик совғалари билан тақдирланди.

А.Қаюмов, Ж.Ёрбеков (видео,сурат), ЎзА мухбирлари