Наманган шаҳридаги “Баркамол авлод” спорт мажмуасида баскетбол бўйича U-18 ёш тоифасида ўғил-қизлар ўртасида вилоят чемпионати бўлиб ўтмоқда.

Мусобақада вилоятнинг барча шаҳар ва туманларидан 200 нафарга яқин иқтидорли ёш баскетболчилардан ташкил топган 14 жамоа иштирок этмоқда. Улар ғалаба учун қизғин ва муросасиз беллашувларда ўз маҳоратларини намойиш этяпти.

Чемпионат ёш спортчиларнинг жисмоний тайёргарлигини мустаҳкамлаш, жамоавий ўйин маҳорати ва рақобатбардошлик салоҳиятини оширишда муҳим аҳамият касб этмоқда. Шунингдек, мусобақа орқали истиқболли спортчиларни аниқлаш ва терма жамоалар учун захира шакллантириш мақсад қилинган.

Юқори савияда, спорт руҳи ва дўстона муҳитда ўтаётган чемпионат 8 февралга қадар давом этади.

Ҳотам МАМАДАЛИЕВ (сурат), ЎзА