Токио-2020
Токио олимпиадасининг баскетбол спорт ўйинларининг эркаклар беллашувида ҳам финалчилар номи маълум. Бўлиб ўтган ярим финал учрашувларида америкаликлар австралияликларни қийинчиликсиз мағлубиятга учратишиб, олимпиада ўйинларидаги 16-маротаба финалга йўлланма олди. Барча олимпиадаларда ҳали бирон марта ҳам соврин ютмаган австралияликларда бу гал медаллардан бирига «илашиб қолиш» имкони бор. Бунинг учун улар учинчи ўрин баҳсида словенияликларни мағлуб этишлари талаб этилади. Иккинчи ўйинда Франция ва Словения термалари ўзаро куч синашишди. Тенг курашлар остида ўтган баҳсда французларга битта тўп фарқи билан омад кулиб боқди.
Шу тариқа мусобақанинг ҳал қилувчи ўйинида АҚШ ва Франция термалари майдонга тушишади. Бу жамоалар олимпиада ўйинларида ўзаро икки бор (1948 ва 2000 йиллар) тўқнаш келишган ва ҳар иккаласида ҳам америкаликларнинг қўли баланд келган.
Ярим финал. 5 август
АҚШ – Австралия – 97:78
Франция – Словения – 90:89
3-ўрин учун. 7 август
Словения - Австралия
Финал. 7 август.
Франция – АҚШ.
Ойбек ЮНУСОВ, ЎзА